అమ్మవంటిది అంత మంచిది అమ్మ ఒక్కటే
అయ్యైనా జేజైనా అమ్మ పిమ్మటే
అమ్మవంటిది అంత మంచిది అమ్మ ఒక్కటే
అయ్యైనా జేజైనా అమ్మ పిమ్మటే
బొజ్జలోని పాపాయి పొరలి పొరలి తన్నినా
పొంగిపోవు కడుపు తీపి అమ్మది
కుసిలి కుసిలి పాలకై గుండెమీద గుద్దినా
మురిసిపోవు వెన్న మనసు అమ్మది
గోరుముద్ద తినిపిస్తూ కొండంతగ పెరగాలని
నిండుగ నూరేళ్ళు ఉండాలని కోరుతుంది
గోరుముద్ద తినిపిస్తూ కొండంతగ పెరగాలని
నిండుగ నూరేళ్ళు ఉండాలని కోరుతుంది
లాలాబోసి నీళ్లు చుట్టి రామరక్ష అంటుంది
ఆ రామునికి అమ్మకంటే రక్ష ఏమి ఉన్నదీ?
అమ్మ ఉంటే లేనిదేమీ లేనేలేదు
అమ్మ లేక ఏమి ఉన్నా ఉన్నది కాదు
అమ్మంటే త్యాగము అమ్మే ఒక యోగము
అమ్మంటే సత్యము అమ్మే సర్వస్వము
