అమ్మమ్మో అమ్మో అమ్మాయి అంటే

అమ్మమ్మో అమ్మో అమ్మాయి అంటే అందంతో అల్లే వల
అబ్బబ్బో అబ్బో అబ్బాయి అంటే మాటల్లో ముంచే అల
కవ్వించే నవ్వే పువ్వై పూసినా గుండెల్లో ముళ్ళై తాకగా
ఊహల్లో ఎన్నో ఎన్నో పంచినా చేతల్లో అన్నీ అందునా
అమ్మమ్మో అమ్మో అమ్మాయి అంటే అందంతో అల్లే వల

ఆహా ఏం కన్నులు ఓహో ఏం చూపులు
అవి కావా మా ఆస్తులు
మ్మ్ ప్రేమించక ముందరే ఈ తియ్యని కవితలు
తర్వాత అవి కసురులు
అన్నీ వింటూ ఆనందిస్తూ ఆపైన I’m sorry అంటారు
చుట్టూ చుట్టూ తిప్పుకుంటూ సింపుల్‌గా No అందురు

అమ్మమ్మో అమ్మో అమ్మాయి అంటే అందంతో అల్లే వల

కన్నీటి బాణమే వేసేటి విద్యలో
ముందుంది మీరే కదా
హే మౌనాన్నే కంచెగా మలిచేటి కోర్సులో
distinction మీదే కదా
కన్నీరైనా మౌనం అయినా చెప్పేది నిజమేలే ప్రతిరోజు
అంతే కాని అరచేతుల్లో ఆకాశం చూపించకు

అమ్మమ్మో అమ్మో అమ్మాయి అంటే అందంతో అల్లే వల
కవ్వించే నవ్వే పువ్వై పూసినా గుండెల్లో ముళ్ళై తాకగా
ఊహల్లో ఎన్నో ఎన్నో పంచినా చేతల్లో అన్నీ అందునా నానన్నా ననా