గుడిగంటలు మ్రోగినవేళ మది సంబర పడుతోంది
తొలి సంధ్యల వెలుగులవేళ తెగ తొందర పెడుతోంది ||గుడి||
ఆ దేవుని పూజకు నువ్వొస్తే
ఆ దేవిని చూడగ నేనొస్తే
అది ప్రేమకు శ్రీకారం ||గుడి||
శ్రీ రంగనాధ స్వామి వెంట దేవేరి తరలి వచ్చెనంట
ఆ జంట చూడముచ్చటంట వెయ్యైన కళ్ళు చాలవంట
నా చిరునవ్వయి నువ్వే ఉండాలి ఉండాలి
నా కనుపాపకు రెప్పయి వుండాలి ఉండాలి
చెలి గుండెలపై నిద్దుర పోవాలి పోవాలి
ఇరు మనసుల్లో ప్రేమే ఎదగాలి ఎదగాలి
నా చెలి అందెల సవ్వడి నేనై
నా చెలి చూపుల వెన్నెల నేనై
చెలి పాదాల పారాణల్లే అంటుకు తిరగాలి
నుదుటి బొట్టయి నాలో నువ్వు ఏకమవ్వాలి ||గుడి||
వెచ్చని ఊహకు ఊపిరి పోయాలి పోయాలి
నెచ్చెలి పమిటికి చెంగును కావాలి కావాలి
కమ్మని కలలకు రంగులు పూయాలి పూయాలి
నా చిరునామా నువ్వే కావాలి కావాలి
తుమ్మెద నంటని తేనెవు నువ్వయి
కమ్మని కోకిల పాటవు నువ్వయి
చీకటిలో చిరుదివ్వెవు నువ్వయి
వెలుగులు పంచాలి
వీడని నీ నీడను నేనై నిన్ను చేరాలి ||గుడి||
