ఆకాశాన ఎగిరేమైనా నీతో రానా ఊహల పైనా
అడుగు నేలపై ఆగనన్నది ఎంత ఆపుతున్నా
పిల్ల గాలితో తూగుతున్నది వింత హాయిలోన
ఆకాశాన ఎగిరేమైనా నీతో రానా ఊహల పైనా
అటు ఇటు తిరుగుతూ కన్నులు
చిలిపి కలలను వెతుకుతూ ఉన్నవి
మదిని ఊరించు ఆశని కలుసుకోవాలనో
మధుర భావాల ఊసుని తెలుసుకోవాలనో
ఆకాశాన ఎగిరేమైనా నీతో రానా ఊహల పైనా
తడబడు తలపుల అల్లరి
ముదిరి మనసును తరుముతూ ఉన్నది
అలలుగా తేలి నింగిని పలకరించేందుకో
అలసటే లేని ఆటలో అదుపు దాటేందుకో
ఆకాశాన ఎగిరేమైనా నీతో రానా ఊహల పైనా
అడుగు నేలపై ఆగనన్నది ఎంత ఆపుతున్నా
పిల్ల గాలితో తూగుతున్నది వింత హాయిలోన
ఆకాశాన ఎగిరేమైనా నీతో రానా ఊహల పైనా
